Yadagirigutta Trust Board Oath Ceremony 2026 | యాదగిరిగుట్ట నూతన ట్రస్ట్ బోర్డు ప్రమాణ స్వీకారం జూలై 11న

Bhavani Shankar, EO, SLNS Devasthanam, Yadagirigutta

తెలంగాణలోని ప్రముఖ పుణ్యక్షేత్రమైన యాదగిరిగుట్ట శ్రీ లక్ష్మీనరసింహస్వామి దేవస్థాన నూతన ట్రస్ట్ బోర్డు ప్రమాణ స్వీకార కార్యక్రమం జూలై 11, శనివారం ఉదయం 11:37 గంటలకు ఘనంగా నిర్వహిస్తున్నట్టు ఆలయ ఈవో భవానిశంకర్ తెలిపారు. 

ఈ కార్యక్రమం తరువాత నూతనంగా నియమితులైన ట్రస్ట్ బోర్డు ఛైర్మన్‌తో పాటు సభ్యులు, దేవస్థాన పరిపాలన బాధ్యతలను అధికారికంగా స్వీకరించనున్నారు. వేద పండితుల మంత్రోచ్చారణల మధ్య, సంప్రదాయబద్ధంగా ప్రమాణ స్వీకారం నిర్వహించేందుకు అధికారులు అన్ని ఏర్పాట్లు పూర్తి చేసినట్టు ఆయన తెలిపారు. 

ఈ కార్యక్రమానికి రాష్ట్ర ప్రభుత్వ ప్రతినిధులు, ప్రజాప్రతినిధులు, దేవాదాయ శాఖ ఉన్నతాధికారులు, దేవస్థాన ఈవో, ఆలయ అర్చకులు, వేద పండితులు, స్థానిక ప్రముఖులు, భక్తులు పెద్ద సంఖ్యలో హాజరయ్యే అవకాశం ఉంది.

నూతన ట్రస్ట్ బోర్డు బాధ్యతలు చేపట్టిన అనంతరం యాదాద్రి దేవస్థాన అభివృద్ధి, భక్తులకు మెరుగైన సౌకర్యాల కల్పన, ధార్మిక కార్యక్రమాల విస్తరణ, ఆలయ నిర్వహణలో పారదర్శకత వంటి అంశాలపై ప్రత్యేక దృష్టి సారించనున్నట్లు తెలుస్తోంది. ఇందుకు గాను దేవస్థాన ప్రెసిడెన్సియల్ సూట్ లో ట్రస్ట్ బోర్డు మొదటి సమావేశం జరుగుతున్నట్టు సమాచారం.  

ప్రమాణ స్వీకార కార్యక్రమాన్ని పురస్కరించుకుని ఆలయ ప్రాంగణంలో ప్రత్యేక భద్రతా ఏర్పాట్లు చేపట్టడంతో పాటు, భక్తులకు ఎలాంటి ఇబ్బందులు కలగకుండా దేవస్థాన అధికారులు తగిన చర్యలు తీసుకున్నారు.

భక్తులు కార్యక్రమ సమయాల్లో అధికారులు సూచించే మార్గదర్శకాలను పాటించాలని దేవస్థానం విజ్ఞప్తి చేసింది.

<><><>

యాదగిరిగుట్ట, యాదాద్రి, ట్రస్ట్ బోర్డు, ప్రమాణ స్వీకారం, దేవస్థానం, లక్ష్మీనరసింహస్వామి, తెలంగాణ, ఆలయ వార్తలు, #Yadagirigutta, #Yadadri, Trust Board, Temple News, Telangana News